അദ്ദിക്ർ

നാഥനില്‍ നിന്നുള്ള ഗ്രന്ഥം ലഭിക്കുന്നതിനുമുമ്പ് പ്രവാചകന്‍റെ അനുയായികള്‍ വ്യക്തമായ വഴികേടിലായിരുന്നു എന്നും, യുക്തിനിര്‍ഭരഗ്രന്ഥമായ അദ്ദിക്ര്‍ മനസ്സിലാവുക അറബി അറിയാത്ത നിരക്ഷരര്‍ക്കാണ് എന്നും അജയ്യനും യുക്തിജ്ഞനുമായ നാഥന്‍ 62: 2-3 സൂക്തങ്ങളില്‍ പറഞ്ഞിട്ടുണ്ട്. 4: 150-151 സൂക്തങ്ങളില്‍ പറഞ്ഞ യഥാര്‍ത്ഥ കാഫിറുകളായ ഫുജ്ജാറുകള്‍ അദ്ദിക്റിനെ തള്ളിപ്പറയുക എന്നത് അവരുടെ ഭക്ഷണമാക്കിയവരാണ് എന്ന് 56: 82 ല്‍ പറഞ്ഞിട്ടുണ്ട്. ഫുജ്ജാറുകള്‍ തന്നെയാണ് കുഫ്ഫാറുകള്‍ എന്ന് 83: 34, 36 സൂക്തങ്ങളിലും; നിശ്ചയം തങ്ങളുടെ വിശ്വാസത്തിന് ശേഷം കാഫിറുകളാവുകയും പിന്നെ നിഷേധം വര്‍ദ്ധിക്കുകയും ചെയ്തവരുടെ പശ്ചാത്താപം അല്ലാഹു സ്വീകരിക്കുകയില്ല, അക്കൂട്ടര്‍ തന്നെയാണ് വഴിപിഴച്ചവര്‍ എന്ന് 3: 90 ലും; നിശ്ചയം നിഷേധത്തിനുമേല്‍ നിഷേധത്തോടുകൂടി മരണപ്പെട്ട അത്തരം കുഫ്ഫാറുകള്‍ക്ക് ഭൂമി നിറയെ സ്വര്‍ണം കിട്ടി അതുകൊണ്ട് തെണ്ടം ചെയ്താലും അവരില്‍ നിന്ന് അത് സ്വീകരിക്കപ്പെടുകയില്ല എന്ന് 3: 91 ലും പറഞ്ഞിട്ടുണ്ട്. 1: 7; 2: 39, 110; 7: 43 വിശദീകരണം നോക്കുക.